Կոտայքի մարզի Պռոշյան համայնքում հիմնվել է հոգեկան առողջության կենտրոն, որի նպատակն է պատերազմի մասնակիցներին, անհետ կորածների, գերիների և նրանց ընտանիքի անդամներին ցուցաբերել հոգեբանական և հոգեբուժական անվճար աջակցություն: Ելնելով պատերազմական գործողությունների վնասներից, ինտենսիվության, երկարատևության, անսպասելիության գործոններից, պատերազմական գործողությունների մասնակիցների մեծ մասի մոտ առաջացել են հոգեկան առողջության տարատեսակ խնդիրներ, սթրեսի սուր հակազդումներ, հետտրավմային սթրեսային խանգարումներ և ուղեղի տրավմային օրգանական վնասվածքներ: Կենտրոնի նպատակն է ապահովել պատերազմին մասնակից անձանց և իրենց ընտանիքի անդամների հոգեկան, մտավոր և սոցիալական վերականգնումը, բարելավել հասարակության հոգեկան առողջությունը:
